Haters.

Ang post na ito ay tungkol sa paghehate! okay. lilinawin ko lang may nabasa kasi ako

HATERS? Hindi nmn talaga sila galit sayo. In fact, galit sila sa sarili nila. Kasi ang mga bagay na gusto nila, sayo nila nakikita.

Nabasa ko lang to sa isang blogger, uy sikat yan baka maibash ako pero opinyon ko lang po ito. wag po magagalit.

Unang-una hater rin po ako, sorry po KPop fans pero hater po ako ng Kpop. wala akong nakita sa KPop na kinagustuhan ko kasi hindi ko maintindihan yung mga salita nila at hindi rin po ako galit sa sarili ko dahil sa KPop. lilinawin ko po hindi ako galit sa mga koreano, naiinis lang po ako sa mga kanta nila.

Tumatayo po ako bilang Hater, opo minsan po hindi pagka-insecure o kung ano man ang dahilan ng paghehate minsan sadyang nagiging totoo lang sa sarili ang hater. sinabihan ka lang ng “Panget mo!” o “Walang kwenta post mo.”, hater na agad? di ba pwedeng HONEST muna?

Kahapon nabalitaan ko na malapit ng maipasa yung law tungkol sa mga Cyber Crime. Balita ko meron dun para sa mga Cyber bullyer, humanda handa na mga Cyber Bullies!

Pwede ba i-impeach si Phillip Phillips? hahaha!

Si Sen. Miriam Defensor-Santiago lang talaga ang gusto kong senador.

Pwede umapela?

Aapela ako dun sa sinabi ni Ryan kagabi sa PBB yung…

 “Hindi panliligaw ang pinatatagal, kundi relasyon.”

-Ryan Boyce of PBB teen edition 4

Para sakin lang naman ito. maling mali yang quotes na yan kasi para sa akin ang panliligaw, dyan mo ipu-prove kung worthy nga tayong mga lalaki sa matamis na ‘OO’ ni babae, hindi yan tungkol sa regalo o mga matatamis na salita na sinasabi o ibinibigay mo sa kanya habang na stage pa kayo ng ligawan kundi kung paano mo naipapadarama na mahalaga siya sa iyo, oo kapag relasyon pwede mo namang gawin yun pero iba pa rin yung kapag may medyo mahaba o talagang mahabang ligawan na naganap kasi iba yung pundasyon ng relasyon niyo, kakaiba yung nagkokonekta sa inyo ng iniirog mo.

sabi ko nga sa twitter…

Courting someone you love is a way of prooving that you really love her. the longer, the better.

(pasensya nga pala kung may maling grammar. haha!)

pero di ko naman sinasabi sa mga babae na tagalan niyo yung pagsagot ng “OO” sa lalaking iniibig mo talaga siyempre kung feel mo na mahal mo na talaga siya at sapat na yung mga naipakita niya para patunayan na mahal ka nga talaga niya at tingin mo nararapat na sagutin mo na siya bakit hindi di ba?

NOTE: wag po tayong magpapaniwala sa mga kung ano-anong quotes na kumakalat  usisain muna kung tama ba ang ipinapahayag nito hindi yung agree ka ng agree kahit maari ka namang tumayo at sabihing mali yan.

Yun lamang po, Thank You!

Natatawa ako.

kapag nagpopost kasi ako pinopost ko muna bago basahin saka ko lang sya babasahin kapag na-post na tapos todo edit kapag andaming mali, hindi ko talaga ugali yung magbasa muna bago magpost.

Magandang Gabi!

Kamusta? tagal ko na naman hinidi nakapag-update… ayaw pa kasi paayos ni mama yung PC namin dami pa kasing kailangan gastusan, alam mo naman pasukan ngayon at kailangan lahat ng gamit bago! paano ba naman kasi nasunog lahat ng gamit namin walang natira hahaha!

Andrew E. Hindi mapagkakatiwalaan?

Gulat ka sa title mo? joke lang yan! pero ang totoo niyan may pinaghuhugutan ako sa title nitong post ko….

Sa tuwing manonood ako ng telebisyon na minsan ay natatapat sa oras ng Face to Face at Personalan, hindi ko maipagkakakaila na ako ay tumitigil para panoorin at alamin kung ano ang isyu at ang madalas na isyu ay…..PAMBABABAE!

hindi natin kaila na madalas si Juan ay matulis! (Courtesy of I-Juander…joke!) ngunit minsan talaga naloloka ng nanay,tatay,kapatid,kapitbahay (oo TV kasi ng bayan yung TV namin eh) at pati ako dahil ang Juan na matulis ay hindi GWAPO kundi Panget (No offense meant). grabe mas madalas talaga na panget yung nambabae na idinudulog dun sa FTF at Personalan. yung isa sabi nung baba Marvin Agustin daw, hindi naman mukha namang Marvin Bangustin at yung isa naman sabi daw Derek Ramsay, hindi rin naman!

Eto na bakit nadamay si Andrew E dto! hahaha! eh kasi si Andrew e yung kumanta ng… “Humanap ka ng pangit”  at sabi niya pa dun sa kanta…

Kung gusto mong lumigaya ang iyong buhay 
Humanap ka ng pangit at ibigin mong tunay 
Isang pangit na talagang ‘di mo matanggap 
At h’wag ang lalaki na iyong pangarap 

Ngunit handang-handang iwanan ka naman sa sandali 
Na ikaw ay wala nang ibigay, ‘di ba? 
Kaya pangit na lalaki ang hanapin mo ‘day 
Kung hindi, sige ka puso mo’y mabibiyak 

parang di na applicable yung sinabi niya sa kanta sa panahon ngayon dahil grabe na rin mambabae ang mga pangit.

o siya tama na to baka kasuhan pa ako ni Andrew E ng Libelo :p

NOTE: Pangit din po ako kaya ako ang hanapin niyo! CHos! hahahaha!

That Should Be Jessica.

ok, ok! ako na ang bitter! sige na kahapon ko pa di tanggap at alam kong huli na itong post ko na ito para kay Jessica. pero bakit ba? affected pa rin ako eh! paki nyo!

Alam nyo kasi kung sa kantahan ang pagbabasihan, aba’y lamang si Jessica kay Phillip at alam kong alam yan ng mga AI Judges, Hindi ko masasabi na nanalo si Phillip dahil sa kagwapuhan pero maari meron nga dito sa Pilipinas nagtatagal sa contest dahil gwapo eh for example ***, hahaha! o kaya naman dahil sa simpatiya kasi nga diba may sakit siya? o sadyang maraming fans o kaya naman ay diskriminasyon.(Di ko lang alam kung uso pa ito sa Amerika pero ayun ang nakikita nung iba)

malamang sa malamang hindi pa nga siguro handa ang America na tumanggap ng isang  may ibang lahi.

Dear Tommy Mottola,

Please make Jessica Sanchez a big star like what you did to Beyonce, Mariah Carey and Jennifer Lopez. Thank You!

Sincerely,

The Fans of Jessica Sanchez.

The Lady Gaga Issue!

Lakas talaga maki-uso ng Pinas ‘no? Imagine pati pulitiko ginamit si Lady Gaga. Apektado ako sa issue na ito kasi isa sa mga artist ngayon na sadyang hinahangaan ko ay isa si Lady Gaga, Gusto ko ang mga kanta niya. Kanina nakapanood ako ng balita na sinabi ng pari na…KUMPIRMADO DAW NA SATANISTA SI LADY GAGA! Wow huh! saan kaya niya nakuha yun? eh ako nga ilang beses kong na-google at hinanap yan pero bigo ako, wala akong nahanap na article na interview sa kanya o kaya naman ay video na interview kay Gaga na kinumpirama niya nga na Satanista siya!

Satanista ba yung nag raise ng pera para sa Haiti at Japan noong sila ay dumadaan sa matinding krisis? dahil sa simpleng literal na pagintindi nila sa isang kanta nawala at nabura ang mga ginawa ni Lady Gaga!

Okay, si Kelly Clarkson nga rin pala may kantang “Judas” baka gusto niyo din siyang i-ban dito sa Pilipinas.

Hi~

Nakakamiss talaga ang dashboard ko pati na rin ang mga tao rito.

Kamusta?

Sa 380 na blog na pinafollow ko, iilan na lang ang nakikilala ko. ganun na ba ako katagal naging inactive?

Bumalik ang pagka-Anime Lover ko dahil kay Myrtle.

Nung Linggo tuwang-tuwa ako kasi nakabili ako ng DVD ng matagal ko ng hinahanap na Anime, “His and Her Circumstances” ang title ng Anime na ito.

Eto yung Anime na talagang inaantay ko sa Studio23 noon, pagkatapos siya ng “Get Backers” bago siya mag “Wazzup Wazzup” noon. Hindi ko pa siya nauumpisahan. Wala pang oras eh.